Gjykata e Shkallës së Parë e Juridiksionit të Përgjithshëm Tiranë ka zbardhur vendimin për 19 personat e arrestuar në lidhje me ngjarjet e protestës së zhvilluar më 2 korrik 2026 në kryeqytet.
Gjykata shqyrtoi kërkesën e Prokurorisë për caktimin e masave të sigurisë, pasi dëgjoi palët dhe administroi provat e paraqitura në seancë.
Sipas vendimit, gjykata ka aplikuar masa të ndryshme sigurie për të arrestuarit, duke vlerësuar në mënyrë individuale rrethanat e secilit rast, rrezikshmërinë shoqërore dhe elementët e hetimit.
Për disa prej personave është caktuar masa “detyrim për t’u paraqitur në policinë gjyqësore”, ndërsa për të tjerë masa më të ashpra si “arrest në shtëpi” dhe “arrest në burg”. Një pjesë e të proceduarve është lënë e lirë pas rrëzimit të kërkesës së prokurorisë.
Gjykata thekson se vendimmarrja është bazuar në kriteret ligjore të Kodit të Procedurës Penale dhe në vlerësimin proporcional të rrethanave të çdo personi nën hetim.
Në arsyetim, theksohet edhe faza e hetimit penal dhe nevoja për ruajtjen e sekretit hetimor, duke bërë publike vetëm pjesën urdhëruese të vendimit.
Vendimi mund të ankimohet në Gjykatën e Apelit brenda afatit ligjor prej 5 ditësh.
Vendimi i plotë:
