Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Ambasadori i ri i Shteteve të Bashkuara të Amerikës në Shqipëri, Eric Wendt, ka nisur zyrtarisht detyrën e tij në Tiranë, pasi i dorëzoi Letrat Kredenciale Presidentit Bajram Begaj.
Ceremonia u zhvillua në Presidencë, ku kreu i Shtetit priti ambasadorin amerikan dhe i uroi sukses gjatë mandatit të tij në Shqipëri.
Gjatë takimit, Begaj rikonfirmoi angazhimin e Shqipërisë për forcimin e partneritetit strategjik me SHBA-në. Presidenti theksoi se vendi do të vijojë të punojë për thellimin e marrëdhënieve dypalëshe, në përputhje me prioritetet e politikës së jashtme dhe përgjegjësitë që burojnë nga kjo marrëdhënie.
“Shtetet e Bashkuara janë një partner i pazëvendësueshëm për avancimin e interesave kombëtare”, u shpreh Begaj.
Pas ceremonisë së dorëzimit të kredencialeve, Presidenti zhvilloi edhe një takim kokë më kokë me ambasadorin Wendt, ku vijuan diskutimet mbi marrëdhëniet mes Shqipërisë dhe Shteteve të Bashkuara.
