Gjykata e Posaçme e Apelit për Korrupsionin dhe Krimin e Organizuar, me vendim të marrë sot nga gjyqtari Dhimitër Lara, ka shfuqizuar vendimin e mëparshëm të Gjykatës së Shkallës së Parë, i cili kishte deklaruar humbjen e fuqisë së masës së sigurimit “Arrest në burg” për të hetuarën Pajtime Fetahu.
Gjykata e Apelit rrëzoi ankimin e Pajtime Fetahu lidhur me kohëzgjatjen e paraburgimit, duke lënë në fuqi masën e sigurisë “Arrest në burg” të vendosur më 22 nëntor 2024 në çështjen e hetimeve për korrupsion dhe krim të organizuar.
Ky vendim konfirmon vazhdimin e paraburgimit për të hetuarën në pritje të zhvillimeve të mëtejshme në procesin gjyqësor.
