Rrugë të bllokuara, fishkëllima, këngë e valle nëpër rrugë, krisma e fishekzjarre… Kështu u shënua 28 nëntori- Dita e Flamurit në Shkup. Nuk munguan as provokimet.
Por situata kulminoi kur, siç shihet në disa video nëpër rrjetet sociale, disa të rinj hoqën dhe shqyen flamurin maqedonas në Bit Pazar.
E disa të tjerë me vetura që lëviznin shumë ngadalë, e herë pas here ndalonin nëpër rrugë për të kënduar e hedhur valle. Kolonat e gjata me qytetarët që zgjodhën të festojnë në rrugë, e bllokuan kryeqytetin për orë të tëra.
Në qendrën e qytetit ka pasur forca të shtuara të policisë të cilën bllokuan kryqëzimet për t’i ndaluar qytetarët drejt qendrës dhe qeverisë duke vënë në kolaps qarkullimin në kryeqytet.
Dita e flamurit shqiptarë është shënuar mbrëmë edhe në disa qytete të tjera të Maqedonisë së Veriut, ku ka shumicë shqiptare. /Alsat.mk
