Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Anëtari i kryesisë së Aleancës për Ardhmërinë e Kosovës, Daut Haradinaj
Anëtari i kryesisë së AAK-së, Daut Haradinaj, ka thëne se anëtarësimi i Kosovës në NATO i përmbyllë të gjitha debatet për sigurinë.
Tutje ai u shpreh se Kosova dhe aleatët e saj të sigurisë sot janë qindra herë më të fortë e më të përgatitur se në vitet 1998-99, transmeton Klankosova.tv.
Po ashtu, Haradinaj shton se qëndrimet për një luftënxitje në Serbi nga mbetjet e Millosheviçit, nuk janë as më shumë e as më pak se nevojë mbijetese politike në Serbi.
“Qëndrimet për një luftënxitje në Serbi nga mbetjet e Millosheviçit, nuk janë as më shumë e as më pak se nevojë mbijetese politike në Serbi. Kosova dhe aleatët e saj të sigurisë sot janë qindra herë më të fortë e më të përgatitur se në 98-99. Këto retorika të humbësit ballkanik veç sa e rrisin vullnetin tonë për të qenë të gatshëm ta mbrojmë çdo pëllëmbë të territorit tonë, ashtu siç vepruam kundër kasapit të Ballkanit”, ka thënë Haradinaj.
“Ne jemi të fokusuar për t’u bërë pjesë e NATO-s dhe kjo i mbyll debatet e sigurisë përjetësisht për Kosovën”.
