Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Lideri i Partisë Demokratike, Sali Berisha, në një konferencë për mediat, komentoi procesin e zgjedhjes së kreut të ri të SPAK, duke e lidhur atë edhe me votimin e Endrit Shabanit si Avokat i Popullit.
Berisha u shpreh se prania e ambasadorëve gjatë votimit sinjalizoi, sipas tij, se qeveria nuk i kontrollon plotësisht zhvillimet në institucionet e drejtësisë.
“Lë shumë të dyshohet se ajo u bë për të neutralizuar dorën e zezë të Edi Ramës dhe anëtarëve të KLP-së,” deklaroi Berisha, duke shtuar se pjesëmarrja e përfaqësuesve diplomatikë kishte qenë më e dukshme se në raste të mëparshme.
Sipas tij, ky ishte një mesazh që qeveria dhe kryeministri Edi Rama “të mos vepronin si në rastin e Endri Shabanit dhe kandidatëve që ai donte”.
Berisha akuzoi kryeministrin se ka “zëvendësuar respektimin e kritereve me lobime korruptive”, duke lënë të kuptohet se proceset e zgjedhjeve institucionale po ndikohen politikisht.
