Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Kompania amerikane Qualcomm ka njoftuar blerjen e kompanisë britanike të çipave, Alphawave IP Group, për një vlerë prej rreth 2.4 miliardë dollarësh.
Sipas marrëveshjes, aksionarët e Alphawave do të marrin 2.48 dollarë në para të gatshme për çdo aksion, çka përfaqëson një premium prej 96% ndaj çmimit të aksioneve përpara lajmit.
Aksionarët kanë gjithashtu mundësi alternative për të marrë aksione të reja të Qualcomm ose letra me vlerë të këmbyeshme.
CEO i Alphawave, Tony Pialis, e quajti marrëveshjen një “moment historik”, ndërsa CEO i Qualcomm, Cristiano Amon, theksoi rëndësinë e teknologjisë së Alphawave në lidhjet me shpejtësi të lartë dhe infrastrukturën e qendrave të të dhënave.
Blerja pritet të finalizohet në tremujorin e parë të vitit 2026, në pritje të miratimeve nga aksionarët dhe autoritetet rregullatore në SHBA, Gjermani, Korenë e Jugut, Kanada dhe Mbretërinë e Bashkuar.
