Kryeministri dhe njëherësh kryetari i PS, Edi Rama, ka reaguar pas mbledhjes së zgjeruar të grupit parlamentar dhe qeverisë, duke bërë të ditur temat kryesore të diskutuara.
Sipas tij, në fokus të takimit kanë qenë procesi i komunikimit me organizatat socialiste në kuadër të nismës “Punët e Shqipërisë”, ecuria e negociatave për anëtarësimin në Bashkimi Evropian, si dhe kalendari i nismave ligjore që lidhen me integrimin europian.
“Sot në mbledhjen e zgjeruar të fundmuajit diskutuam për ecurinë e komunikimit me organizatat socialiste, për negociatat me BE-në dhe për nismat ligjore të lidhura me anëtarësimin, si edhe për ‘Majin e Europës’ dhe aktivitetet në vigjilje të 35-vjetorit të Partisë Socialiste,” shkruan Edi Rama.
Në takim është diskutuar gjithashtu për aktivitetet që do të zhvillohen në kuadër të “Majit të Europës” dhe për përgatitjet që lidhen me 35-vjetorin e krijimit të Partia Socialiste e Shqipërisë.
Megjithatë, përtej axhendës zyrtare, mbledhja është shoqëruar edhe me tensione të brendshme. Sipas burimeve, kryeministri Rama ka pasur një përplasje me deputeten Elisa Spiropali, lidhur me qëndrimet dhe aktivitetin e saj publik.
Mësohet se Rama e ka kritikuar Spiropalin për mungesë në një votim dhe për një postim në rrjetet sociale, duke e paralajmëruar se përsëritja e situatave të tilla mund të sjellë masa drastike.
“Herën e parë nuk erdhe në votim. Herën e dytë bëre postimin dhe herën e tretë nuk ka, del jashtë këtij grupi,” citohet të ketë thënë Edi Rama gjatë mbledhjes.
Zhvillimet e fundit tregojnë për një klimë jo të qetë brenda Partia Socialiste e Shqipërisë, ndërsa mbetet për t’u parë nëse këto tensione do të reflektohen në vendimmarrjet e ardhshme politike.
