Ministria e Financave ka vendosur të shtyjë për në vitin 2025 miratimin e ligjit që lejon rivlerësimin e pronave me një tatim më të ulët.
Teksa pritej që rivlerësimi i pasurive të paluajtshme të hynte në fuqi në shtator siç u paralajmërua, ministri i financave në komisionin e veprimtarisë prodhuese tha se reforma e caktimit të referencave të pronave në të gjithë vendin nuk ka përfunduar ende, shkruan BW.
“Rivlerësimi i pasurive të paluajtshme do të bëhet paralelisht me caktimin e çmimeve të referencës për gjithë territorin e Shqipërisë, në mënyrë që të përfitojnë të gjithë. Është një proces që do të zgjasë përgjatë vitit të ardhshëm kur të bëhen referencat e reja”- tha ministri i financave Malaj.
