Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Avokatja e Popullit, Erinda Ballanca, ka deklaruar në Kuvend se gjatë hetimit të kryer nga institucioni që ajo drejton, janë konstatuar shkelje nga policia gjatë arrestimit të ish-presidentit Ilir Meta.
“Kemi gjetur disa shkelje nga policia në rastin e arrestimit të Metës. Mënyra e ndalimit është bërë në kundërshtim me ligjin, sepse nuk është ruajtur dinjiteti i z. Meta. Jo vetëm në rastin e Metës, por për çdo qytetar, do të kishte shkelje nëse do ndalohej në atë mënyrë. Nuk kishte asnjë justifikim nga ana e policisë për përdorimin e forcave speciale”, deklaroi Ballanca.
Hetimi i Avokatit të Popullit nxjerr në pah mungesën e respektit ndaj dinjitetit të personave të ndaluar dhe evidenton nevojën për respektimin e procedurave ligjore në rastet e arrestimeve.
