Policia ka arrestuar 12 protestues të opozitës në Elbasan.

I menjëhershëm ka qenë dhe reagimi i degës së PD-së, Elbasan, e cila I bën thirrje Policisë për lirimin e drejtuesve dhe simpatizantëve të PD-së.

Në mes të ndaluarve është edhe një vajzë.

“Thirrje urgjente për Policinë e Shtetit!

Lironi në mënyrë të menjëhershme drejtuesit dhe simpatizantët e Partisë Demokratike.

Hamza Lamce, Arben Pjetri, Agron Beqiri, Hamit Tabaku, Altin Bica, Edi Pojani, Albi Bylykbashi, Aurel Bylybashi, Sokol Shkëlzeni, Daniela Gjini, Dorian Koldashi dhe Enver Lamçe!

E drejta për të protestuar është në KUSHTETUTËN e këtij vendi”, thuhet në reagim e PD-së.