Pavarësisht se skuadra e tij ka fituar 2-0 ndaj Arsenalit në ndeshjen e parë të EFL Cup, trajneri i Newcastle, Edi Howe kërkoi përqendrim nga skuadra.
“Nuk kemi pasur shumë kohë për të reflektuar pas humbjes ndaj Fulham. Sigurisht, e analizuam dhe e shqyrtuam këtë disfatë, por duhej të përqendroheshim menjëherë te ndeshja e radhës, gjë që për ne është diçka pozitive,” tha Howe.
“E lamë pas atë ndeshje dhe tani fokusi ynë është te e ardhmja, një e ardhme që shpresojmë të jetë e ndritur për ne. Na pret një ndeshje e madhe dhe kemi një motivim të madh për ta përballuar atë me një mendje të kthjellët.”
“Kemi mësuar nga gabimet dhe e dimë që mund të bëjmë më mirë, por tani jemi plotësisht të përqendruar te sfida e radhës.”
“Mesazhi im është se jemi në mes të këtij dueli. Duhet t’i qasemi ndeshjes në një mënyrë shumë pozitive dhe agresive, duke luajtur sipas stilit tonë, pa asnjë devijim. Jemi në një pozicion të mirë dhe duhet të shfrytëzojmë çdo mundësi që na jepet,” theksoi Howe.
