Ish-dekani i Fakultetit të Ekonomisë, Dhori Kule, është paraqitur këtë të mërkurë në Prokurorinë e Posaçme Antikorrupsion (SPAK).
Pas daljes nga ambientet e SPAK, Kule deklaroi për mediat se ishte thirrur për të dhënë sqarime në lidhje me periudhën kur ka qenë pjesë e Bankës së Shqipërisë, në kuadër të hetimeve që po zhvillohen mbi skandalin e mikrokredive.
“Isha për të dhënë sqarime për kohën kur kam qenë te Banka e Shqipërisë, për hetimin që bëhet për mikrokreditë,” – u shpreh Kule.
Ende nuk dihen detaje të mëtejshme mbi rolin e mundshëm të Kules në këtë hetim.
