Zyra e Bashkimit Evropian në Shqipëri njoftoi sot dhënien e një pakete financiare prej 100 milionë eurosh për vendin tonë, si pjesë e Planit të Rritjes së Bashkimit Evropian.

Financimi synon të mbështesë reformat kyçe në procesin e integrimit evropian të Shqipërisë, duke ndihmuar në forcimin e institucioneve dhe përmirësimin e infrastrukturës kombëtare.

Sipas njoftimit zyrtar, fondet do të përdoren për të avancuar reformat institucionale dhe ekonomike, në mënyrë që Shqipëria të përgatisë kapacitetet e saj për një integrim të plotë në Bashkimin Evropian.

Ky financim konsiderohet një hap i rëndësishëm në kuadër të mbështetjes që BE i jep Shqipërisë në rrugën e saj drejt anëtarësimit.