Pas një hetimi që ka zgjatur rreth një vit lidhur me mbetjet e rrezikshme të kompanisë Kurum, Prokuroria e Durrësit ka vendosur 33 masa sigurie për individë dhe drejtues të kompanive të përfshira, si dhe zyrtarë të doganave dhe mjedisit. Nga këto, 26 masa janë arrest me burg dhe 7 masa arrest shtëpie.

Lista e plotë e të përfshirëve dhe masave të sigurisë:

Erdal Demir, Administrator i “Kurum International” – arrest me burg

Yusuf Sezai Kurum, Administrator me prokurë i “Kurum” – arrest me burg

Gjovana Sokolaj, Pronare e kompanisë “Sokolaj” – arrest me burg

Doni Sokolaj, Administrator i kompanisë “D.o.o Minerals” – arrest me burg

Olizana Pemati, Ish-administratore e kompanisë “Sokolaj” – arrest me burg

Mujo Ilazaj, Drejtori i Transportit në kompaninë “Kurum” – arrest me burg

Rami Bunga, Specialist pranë zyrës së mjedisit në “Kurum” – arrest me burg

Harun Sarica, Drejtori i prodhimit të çelikut në “Kurum” – arrest me burg

Arif Shkalla, Drejtues në kompaninë “Kurum” – arrest me burg

Shaban Hyseni, Drejtor i departamentit të shitjeve në “Kurum” – arrest me burg

Mirjeta Zotaj, Kontabiliste e kompanisë “Sokolaj” – arrest shtëpie

Mikail Hila, Aksioner i agjencisë doganore “Joti Spedition” – arrest me burg

Mbarime Koroci, Aksionere e kompanisë “Alliance Resource” – arrest me burg

Nazif Bajrami, Pronar i kompanisë “Bajrami N” – arrest me burg

Andon Prifti, Administrator i kompanisë “Bajrami N” – arrest me burg

Petrit Qosja, Person fizik në tregtinë e mbetjeve – arrest me burg

Julian Kapedani, Dega e Doganës Durrës – arrest me burg

Indrit Likaj, Dega e Doganës Durrës – arrest me burg

Helidon Lila, Dega e Doganës Durrës – arrest me burg

Edmond Voda, Dega e Doganës Durrës – arrest me burg

Shkëlqim Jakupi, Dega e Doganës Durrës – arrest me burg

Florian Çimo, Administrator i kompanisë koncesionare EMS APO – arrest me burg

Gazmend Sina, Punonjës i kompanisë koncesionare EMS APO – arrest me burg

Ingo Hesse, Administrator i kompanisë EMS APO – arrest me burg

Arta Dollani, Ish-drejtoresha e Përgjithshme e AKM – arrest shtëpie

Marjeta Përlala, Drejtoresha aktuale e AKM – arrest shtëpie

Dritan Seferaj, Drejtoria e Inspektim-Kontrollit, AKM – arrest me burg

Kledina Skendo, Sektori i monitorimit të lejeve mjedisore, AKM – arrest shtëpie

B.T, Sektori i lejeve mjedisore, AKM – arrest shtëpie

Evis Mellonashi, Sektori i lejeve mjedisore, AKM – arrest shtëpie

Kejdi Ahmetaj, Drejtoria e Inspektimit, AKM – arrest me burg

Iva Musa, Inspektore e Autoritetit Portual Durrës – arrest shtëpie

Xhulio Golgota, Inspektor i Autoritetit Portual Durrës – arrest me burg

Hetimi ka zbuluar se rreth 2,100 tonë mbetje të dyshuara si të rrezikshme, të paketuara në 102 kontejnerë, u nisën fillimisht drejt Tajlandës, por u kthyen më 27 tetor 2024 përmes portit italian të Gioia Tauro, pas refuzimit të qeverisë tajlandeze dhe paralajmërimit të grupit ndërkombëtar Basel Action Network (BAN).

BAN kishte marrë informacion nga një sinjalizues dhe paralajmëroi Shqipërinë dhe vendet e tranzitit për dërgesën masive. Pas ndërhyrjes, linjat e transportit, përfshirë Maersk dhe MSC, garantuan kthimin e sigurt të kontejnerëve në Portin e Durrësit.

Grupi ndërkombëtar i vëzhgimit i ka bërë thirrje qeverisë shqiptare të kryejë analiza transparente dhe të ndajë kampione të mbetjeve me BAN. Organizata është e gatshme të vijë në Durrës për të marrë pjesë në vëzhgim dhe testim të materialeve pas mbërritjes së anijes.

Ky aksion i Prokurorisë shënon një hap të rëndësishëm në hetimin e aferës së mbetjeve Kurum, ndërsa autoritetet shqiptare nënvizojnë rëndësinë e transparencës dhe ndëshkimit të të gjithë të përfshirëve në këtë skandal që ka kërcënuar mjedisin dhe shëndetin publik.