Drejtoria e Përgjithshme e Doganave ka njoftuar se, sipas informacionit të marrë nga autoritetet doganore të Mali i Zi, gjatë datave 14-16 prill 2026 do të zhvillohet një grevë e transportuesve në disa vende të rajonit.

Grevës do t’i bashkohen edhe transportues nga Bosnje dhe Hercegovinë dhe Serbi, çka pritet të ndikojë drejtpërdrejt në qarkullimin ndërkufitar të mallrave.

Si pasojë, autoritetet paralajmërojnë për një bllokim të përkohshëm të lëvizjes së mjeteve të tonazhit të rëndë gjatë kësaj periudhe. Kufizimet do të jenë në fuqi për tre ditë, nga 14 deri më 16 prill.

Nga masa do të përjashtohen vetëm rastet emergjente, transporti i mjeteve që bartin kafshë të gjalla, si dhe lëvizja e autoveturave.

Doganat u bëjnë thirrje operatorëve ekonomikë dhe transportuesve që të marrin masa paraprake dhe të planifikojnë lëvizjet e tyre, për të shmangur vonesat dhe problematikat gjatë këtyre ditëve.