Platforma qeveritare e-Albania do t’i nënshtrohet një përditësimi teknik, në kuadër të përmirësimit të infrastrukturës dhe rritjes së performancës së sistemit.

Sipas njoftimit zyrtar, të gjitha shërbimet elektronike të platformës do të jenë përkohësisht jashtë funksionit nga data 15 maj, ora 22:00, deri më 18 maj, ora 08:00.

Gjatë kësaj periudhe, qytetarët nuk do të mund të aksesojnë shërbimet online të portalit, i cili përdoret gjerësisht për aplikime dhe dokumente elektronike në administratën publike.

Autoritetet theksojnë se ndërprerja është e domosdoshme për kryerjen e përmirësimeve teknike, me qëllim rritjen e stabilitetit dhe shpejtësisë së shërbimeve pas rikthimit të platformës në funksion normal.

Pas përfundimit të punimeve, e-Albania pritet të rikthehet me performancë të përmirësuar dhe funksionalitet më të qëndrueshëm për përdoruesit.