Kevin De Bryjne nuk ka fshehur dëshpërimin e përjetuar në momentin kur i komunikuan se nuk ishte më në planet e Mançester Sitit. Sipas belgut këtë vendim klubi ia komunikoi nëpërmjet shefit të ekzekutivit Ferran Soriano dhe drejtorit sportiv Txiki Begiristain.
“Nuk u ndjeva në siklet me ata të dy në koridor. Në fund të fundit duhet pranuar fakti se të tjerët marrin vendime. Unë u thash se isha ende në gjendje që të jepja kontributin tim, por sigurisht nuk jam më 25 vjeç. Por mendoj se punën time e kam bërë. Nuk mohoj se kur më thanë se duhej të largohesha në fund të sezonit më shokuan”, tha mesfushori belg.
