Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Policia e Shtetit pritet të kalojë sërish në një fazë riorganizimi, pasi janë hapur procedurat e konkurimit për drejtimin e pesë komisariateve në rang vendi. Mësohet se bëhet fjalë për pozicione drejtuesish në komisariate kufitare dhe urbanë.
Konkretisht, gara është shpallur për këto struktura:
-
Komisariati i Policisë Kufitare, Aeroporti “Nënë Tereza” – DVKM Tiranë.
-
Komisariati i Policisë Kufitare, Dibër – DVKM Kukës.
-
Komisariati i Policisë Kufitare, Sarandë – DVKM Vlorë.
Ndërkohë, si pasojë e dy dorëheqjeve të ndodhura disa javë më parë, është hapur gara edhe për drejtimin e dy komisariateve të tjerë:
-
Komisariati i Policisë Nr. 2 – DVP Tiranë.
-
Komisariati i Policisë, Himarë – DVP Vlorë.
Ky zhvillim vjen në një periudhë kur strukturat e Policisë së Shtetit po i nënshtrohen një procesi rishikimi të brendshëm, me qëllim forcimin e menaxhimit dhe përmirësimin e performancës në terren. Pritet që përzgjedhja e drejtuesve të rinj të këtyre komisariateve të bëhet përmes një procesi transparent dhe mbi bazë meritokracie.
