Inspektorati i Lartë i Drejtësisë i është drejtuar Gjykatës Kushtetuese me një kërkesë për nisjen e procedimit disiplinor ndaj anëtarit të Këshilli i Lartë i Prokurorisë, Olger Eminaj.

ILD ka depozituar kërkesën më 18 qershor, duke kërkuar vlerësimin e rastit pas dyshimeve për sjellje të papërshtatshme të zyrtarit gjatë ushtrimit të detyrës.

Çështja është regjistruar nga Gjykata Kushtetuese, ndërsa si relatore është caktuar gjyqtarja Marjana Semini.

Sipas pretendimeve të referuara në dosje, Olger Eminaj dyshohet se i ka dërguar një denoncueseje materiale dhe mesazhe me përmbajtje intime dhe erotike, gjatë orarit zyrtar të punës. Po ashtu, dyshohet se këto komunikime janë zhvilluar edhe brenda ambjenteve të institucioneve të drejtësisë.

Institucionet nuk kanë dhënë ende një vendim përfundimtar mbi çështjen, ndërsa pritet shqyrtimi i plotë i materialeve nga Gjykata Kushtetuese.