Drejtori i Inspektoratit të Mbrojtjes së Territorit në Himarë, Dorian Hoxha, është arrestuar mbrëmjen e djeshme në zonën e Palasës.
Sipas burimeve paraprake, Hoxha akuzohet për veprën penale të “shpërdorimit të detyrës”. Operacioni për arrestimin e tij është zhvilluar gjatë orëve të mbrëmjes nga strukturat ligjzbatuese.
Deri më tani nuk janë bërë publike detaje të tjera lidhur me rrethanat e arrestimit apo dosjen hetimore që rëndon ndaj tij, ndërsa pritet një reagim zyrtar nga autoritetet për të sqaruar më tej akuzat dhe veprimet procedurale.
