Një incident i pazakontë është regjistruar ditën e sotme në ambientet e SPAK, ku një grua e moshuar ka tentuar të hyjë me çdo kusht brenda institucionit.

Ajo nuk është lejuar të futet nga hyrja kryesore, por ka gjetur një mënyrë alternative duke tentuar të kalojë përmes kangjellave rrethuese.

Situata është tensionuar për disa momente, pasi gruaja ka këmbëngulur të hyjë në ambientet e prokurorisë, pavarësisht ndërhyrjes së rojes së sigurisë.

“Kam 7 vite që i lutem Majlinda Carës”, shprehej ajo duke shtuar se bëhet fjalë për prona.

Pasi është nxjerrë jashtë nga ambientet e institucionit, e moshuara ka tentuar sërish të hyjë, duke krijuar një situatë të pazakontë pranë godinës së SPAK.