Kandidatja e Partisë Socialiste në Shkodër, Edona Bilali ka nxitur kritika të shumta në rrjete sociale pas spotit për fushatën elektorale.
Një pacient, i cili po dergjet në krevatin e spitalit, i luajtur nga aktori i njohur Gac Kodrina kërkon të dijë nëse do të jetë gjallë deri më 11 maj pasi i ka dhënë fjalën Edona Bilalit që ta votojë.
Pasi merr vesh nga doktori se do të votojë më 11 Maj, ai ngrihet nga krevati dhe i uron mandatin, Edona Bilalit.
Krahas së videos, Edona Bilali ka shkruar “Shkodra s’mund të konceptohet pa humor”.
