Në një deklaratë për mediat, Berisha pretendoi se çifti në fjalë është i lidhur me pushtetin dhe e cilësoi sulmin si një akt të qëllimshëm ndaj gazetarit, të cilin ai e konsideron pjesë të raportimit nga protesta kundër asaj që e quan “mafie shtetërore”.
Ai deklaroi se gazetari Osman Stafa është sulmuar “shtazërisht” gjatë kohës që po komunikonte me gazetarë të tjerë, duke e konsideruar incidentin si një përpjekje për të frikësuar zërat kritikë në protestë.
Sali Berisha akuzoi gjithashtu kryeministrin Edi Rama për përgjegjësi politike mbi ngjarjen, duke deklaruar se çdo akt dhe pasojë e protestave bie mbi qeverinë.
Në deklaratën e tij, Berisha dënoi ashpër sulmin ndaj gazetarit dhe kërkoi që gazetarët të jenë të lirë në ushtrimin e detyrës së tyre, pa presione apo intimidime, ndërsa theksoi se do të ketë përgjegjësi për çdo akt dhune gjatë protestave.
