Shefja e BE për politikën e jashtme, Kaja Kallas tha nga Tirana se Shqipëria duhet të përmbushë reformat, për ta parë veten në familjen e madhe europiane.
Zyrtarja e Brukselit solli në vëmendje se rruga e integrimit nuk është e lehtë ndërsa shtoi se kriter i panegociueshëm për vendet aspirante është sundimi i ligjit dhe shteti i së drejtës.
“I dashur Edi. Ju jeni i dobishëm edhe për stabilitetin në rajon. BE është e angazhuar për të fuqizuar raportet me Shqipërinë. Ne kemi nënshkruar partneritetin bashkëpunues mes Tiranës dhe BE-së për sigurinë dhe mbrojtjen. Ne po thellojmë bashkëpunimin edhe në sektorin e sigurisë. Ne duam të shtojmë bashkëpunimin në luftimin e terrorizmit dhe të sulmeve kibernetike. Shqipëria ka agjendë ambicioze që të përmbyllë negociatat me BE brenda 2027. Shqipëria s’ka rrugë të lehtë, duhet të bëjë reformat. E ardhmja e Shqipërisë është në BE. Sundimi i ligjit është shumë i rëndësishëm. Shteti i së drejtës është themeli i BE-së dhe begati për një vend”, u shpreh Kallas.
