Parlamenti ka zyrtarizuar përbërjet e reja të Këshillit për Rregulloren, Mandatet dhe Imunitetet, si dhe të Këshillit të Legjislacionit, dy struktura kyçe për funksionimin e brendshëm të Kuvendit.

Këshilli për Rregulloren, Mandatet dhe Imunitetet, i cili merret me interpretimin e rregullores së Kuvendit dhe shqyrtimin e mandateve të deputetëve, përbëhet nga përfaqësues nga Partia Socialiste: Niko Peleshi, Taulant Balla, Ulsi Manja, Bledi Çuçi dhe Bledi Çomo, dhe nga Partia Demokratike: Gazment Bardhi, Oerd Bylykbashi, Elda Hoti, Gent Strazimiri dhe Saimir Korreshi, me zëvendësues të caktuar për secilën parti.

Ndërkohë, Këshilli i Legjislacionit, i cili shqyrton projektligjet për përputhshmërinë me Kushtetutën dhe ligjet në fuqi, përbëhet nga përfaqësues të PS: Fatmir Xhafaj, Damian Gjiknuri, Olsi Komici, Erjon Malaj dhe Aulona Bylykbashi, dhe të PD: Ivi Kaso, Arjan Ndoji, Gjin Gjoni, Greta Bardeli dhe Blendi Himçi, gjithashtu me zëvendësues të përcaktuar për secilën parti.