Drejtoria e Përgjithshme e Burgjeve njoftoi sot pezullimin e të gjithë zinxhirit komandues të burgut të Durrësit pas arratisjes së Altin Ndoci, i paraburgosur me rrezikshmëri të lartë dhe i akuzuar për disa vrasje, i cili u arratis dje gjatë një vizite mjekësore në Spitalin Rajonal Durrës.

Sipas Drejtorisë së Burgjeve, institucioni nuk ka pasur informacion për transportin e Ndoci-t në spital, ndërsa procedurat standarde për shoqërimin e të paraburgosurve nuk janë respektuar. Gjatë vizitës, i paraburgosuri ka kërkuar të shkojë në tualet, ku ka kundërshtuar dhe goditur punonjësit e policisë së burgjeve, duke arritur të arratiset.

Si pasojë, me urdhër të Drejtorit të Përgjithshëm të Burgjeve, pas arrestimit,  janë pezulluar drejtuesit dhe punonjësit e burgut, duke përfshirë:

Nisur nga të dhënat paraprake, me urdhër të Drejtorit të Përgjithshëm të Burgjeve, është pezulluar i gjithë zinxhiri komandues i IEVP Durrës, me qëllim garantimin e një procesi të rregullt ligjor dhe administrativ, konkretisht:

z. Indrit Cerloj – Drejtor i IEVP Durrës;

z. Afrim Zeqiraj – Shef i Policisë;

z.Dzdemon Pazaj – Shef i Policisë IEVP Durrës (i komanduar);

znj. Ylfete Sema – Shefe e Shërbimit të Kujdesit Shëndetësor;

z. Aulon Quku – Kryeinfermier;

z. Dorjan Saraçi – Punonjës i Policisë së Burgjeve;

z. Sali Ferrollari – Punonjës i Policisë së Burgjeve;

z. Preng Marvataj – Punonjës i Policisë së Burgjeve;

z. Fatjon Braçi – Punonjës i Policisë së Burgjeve;

z. Idajet Calamaj – Punonjës i Policisë së Burgjeve;

z. Aranit Çela – Punonjës i Policisë së Burgjeve;

znj. Violeta Uka – Punonjëse e Policisë së Burgjeve.