Seanca gjyqësore e planifikuar këtë të martë në Gjykatën e Posaçme kundër Korrupsionit dhe Krimit të Organizuar (GJKKO) për kryebashkiakun e Tiranës, Erion Veliaj, është shtyrë për në datën 7 korrik.
Shkak për shtyrjen e seancës u bë mungesa e avokatit mbrojtës të Veliajt, Plarent Ndreca, i cili nuk ishte i pranishëm për arsye shëndetësore.
Burime nga seanca bëjnë me dije se edhe vetë kryebashkiaku nuk mori pjesë në seancën e zhvilluar këtë të martë në ambientet e GJKKO-së.
Për shkak të mungesës së mbrojtjes ligjore, trupi gjykues vendosi shtyrjen e shqyrtimit të çështjes, duke caktuar datën 7 korrik për zhvillimin e seancës së radhës.
Pritet që në seancën e ardhshme procesi të vijojë me shqyrtimin e çështjes sipas procedurave të parashikuara nga gjykata.
