Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Sali Berisha u pyet sot për dorëheqjen si kreu i PD nëse humb zgjedhjet.
“Nuk janë dhënë kurrë 138 licenca për kanabis, kurrë 100 euro për votë publikisht, nuk ka ndodhur kurrë që të falen 2 ditë para zgjedhjeve 150 mln euro gjoba, nuk ka ndodhur kurrë që të jenë në proces politik 3 liderët e partive opozitarë. Kjo është hera e parë. Kështu që asnjë prej këtyre nuk pajtohet me parimet e zgjedhjeve të lira”.
I pyetur nëse do ta njohë rezultatin e zgjedhjeve, nëse ato njihen nga ndërkombëtarët, Berisha iu shmang duke thënë se PD do të bëjë gjithçka për të mbrojtur votën e lirë.
“Vetëm ai që është sipër mund të ndalojë PD pa bërë gjithçka për të mbrojtur votën e shqiptarëve.
Ky komb do të votojë i lirë. Forcë në botë nuk do të ketë të pengojë shqiptarët të votojnë të lirë“, shtoi Berisha.
