Zhvillimet pas protestës së fundit në afërsi të Kuvendit kanë sjellë ndalimin e disa qytetarëve, të cilët u shoqëruan në komisariat pas përplasjeve dhe tensioneve të regjistruara me efektivët e Policisë së Shtetit.
Sipas informacioneve paraprake, personat e ndaluar po mbahen në ambientet e policisë, ku po kryhen procedurat e verifikimit. Brenda afatit ligjor prej 72 orësh, organet proceduese pritet të vendosin nëse ata do të lihen të lirë ose do të dërgohen në gjykatë për vlerësimin e masës së sigurisë.
Mes të ndaluarve është edhe Admir Tërshalla, me profesion programues, i cili u shoqërua nga policia në kuadër të hetimeve për ngjarjet e ndodhura gjatë protestës.
Ndalimi i tij përkon me një moment të rëndësishëm në jetën personale. Sipas të afërmve, Tërshalla kishte planifikuar që pikërisht këto ditë të zhvillonte ceremoninë e martesës, ndërsa qëndrimi i tij në ambientet e policisë ka vënë në pikëpyetje realizimin e saj sipas planifikimit.
Deri më tani, autoritetet nuk kanë dhënë një vendim përfundimtar për fatin e të ndaluarve. Vendimmarrja pritet të merret brenda afatit të parashikuar nga ligji, duke përcaktuar nëse secili prej tyre do të lirohet apo do të përballet me masa të mëtejshme procedurale.
Përplasjet te Kuvendi/ Policia publikon emrat e 19 të arrestuarve
