Kryeministri Edi Rama ka publikuar në rrjetet sociale një mesazh, të cilin ai e cilëson si të shpërndarë në grupet e WhatsApp-it të protestuesve, ku diskutohen skenarë politikë që përfshijnë dorëheqjen e qeverisë, krijimin e një qeverie teknike dhe organizimin e zgjedhjeve të parakohshme.
Në postimin e tij në Facebook, Rama e shoqëron publikimin me ironi, duke shkruar:
“ONDRRA N’BEZE i quajnë tironsit këto historitë e kores së zezë së mbetjeve social-politike mbi ujin e pastër të protestës, po aman lexojeni vetë çfarë më çon një protestues në arrati nga grupet WhatsApp…”
Më pas, ai ka shpërndarë edhe një mesazh që, sipas tij, qarkullon në këto grupe, ku ndër të tjera flitet për dorëheqjen e kryeministrit si “kusht të panegociueshëm”, krijimin e një qeverie teknike dhe kalimin drejt zgjedhjeve të parakohshme.
Në mesazh theksohet gjithashtu se qeveria teknike do të shërbente për të “ngrirë sistemin dhe garantuar paanshmërinë”, si dhe për t’u dhënë kohë forcave të reja politike për t’u organizuar.
Po ashtu, përmendet nevoja për njoftimin e institucioneve ndërkombëtare dhe ambasadave, si dhe hapja e një “fronti ligjor” për ndryshime kushtetuese dhe zgjedhore.
Mesazhi i publikuar përfshin edhe ide për organizimin e procesit zgjedhor dhe regjistrimin e popullsisë, të cilat sipas autorit të postimit paraqiten si pjesë e strategjisë së protestës.
Rama e ka shoqëruar publikimin me një ton ironik, duke e cilësuar përmbajtjen si “ëndrra” dhe “plane madhështore” që, sipas tij, nuk pasqyrojnë realitetin politik.
Postimi i plotë:
ONDRRA N’BEZE i quajnë tironsit këto historitë e kores së zezë së mbetjeve social-politike mbi ujin e pastër të protestës, po aman lexojeni vetë çfarë më çon një protestues në arrati nga grupet whatsap, ku u bëkan plane madhështore të cilat flasin vetë për nivelin e udhëheqjeve imagjinare të “Shqipërisë së re”
“Zoti kryeministër! As mos e ço nëpër mend të dorëhiqesh dhe këtë po ta them unë një njeri që s’të do po që e kuptova si protestues i ndodhur me lloj-lloj soj intelektualësh gjoja nëprë grupe whatsapi se ti o Ramses je e keqa më e vogël! Shih ca deliresh dhe jo me flamingo s’kanë punë këta po jan një rracë derri që dhe duan pushtet dhe nuk mbushin hic pupupu o Zot”
Mesazh forward nga i njëjti numër:
“1. Mendoj se fokusi te doreheqja e panegociueshme. Nuk duhet te humbim kohe duke kerkuar ndryshime ligjesh specifike. Rama eshte mjeshter i propagandes. Po kerkuam ligje, do t’i shfuqizoje taktikisht, do thote “jua plotësova kerkesat” dhe do te mbaje karrigen. Doreheqja eshte kushti i pare dhe i panegociueshem!
2. Ne ndryshim nga avokati duke mos krijuar qeveri teknike, kalimi direkt ne zgjedhje te parakohshme eshte kurth. Nuk ka kohe fizike per krijimin dhe regjistrimin e partive te reja nga radhet e protestes. Qeveria teknike ngrin sistemin, garanton paanshmeri dhe u jep kohe(9-12muaj) forcave te reja te organizohen si te barabarta.
3. Presidenti dhe trupa diplomatike (Ambasadat SHBA/BE) duhet te vihen ne dijeni menjehere permes nje dokumenti te protokolluar zyrtarisht. Nderkombetaret mbeshtesin procedurat ligjore; kur shohin dokument zyrtar, na njohin si levizje shtetformuese dhe jo si revolte rruge.
4. Hapja e Frontit Ligjor (KQZ & Kushtetuese). Duhet te pergatitet qe tani kerkesa per ndryshimin e Kushtetutes dhe Ligjit per Referendumet. Nuk kemi kohe per te humbur. Duke depozituar kerkesen ne KQZ, hapim nje proces zyrtar me afate ligjore dhe krijojme nje presion te dyfishte: popullin ne rruge dhe popullin me letra ne dore duke firmosur neper tenda.
5. Censusi per regjistrimin e popullsise eshte baza per pregatitjen e zgjedhjeve te reja”
