Policia e Shtetit ka ndërmarrë një valë të re ndryshimesh në strukturat drejtuese, duke emëruar drejtues të rinj në disa komisariate të vendit dhe në Akademinë e Sigurisë.

Sipas njoftimit zyrtar, lëvizjet janë bërë në kuadër të riorganizimit të brendshëm të institucionit dhe synojnë forcimin e menaxhimit, rritjen e eficiencës dhe përmirësimin e funksionimit të strukturave vendore të policisë.

Në kuadër të këtyre ndryshimeve, Alfred Çepe është emëruar Dekan i Fakultetit të Sigurisë dhe Hetimit në Akademinë e Sigurisë.

Po ashtu, janë emëruar drejtues të rinj në disa komisariate në vend:

• Feliks Hoda emërohet Shef i Komisariatit të Policisë Sarandë.
• Agim Troci emërohet Shef i Komisariatit të Policisë Gjirokastër.
• Pavlin Zhivani emërohet Shef i Komisariatit të Policisë Pukë.
• Ledian Kerka emërohet Shef i Komisariatit të Policisë Kukës.
• Vilson Sterkaj emërohet Shef i Komisariatit të Policisë Cërrik.
• Oltion Gjoni emërohet Shef i Komisariatit të Policisë Devoll.
• Vendim Imeraj emërohet Shef i Komisariatit të Policisë Delvinë.
• Medin Hasani emërohet Shef i Komisariatit të Policisë Përmet.