Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Avokati Lefter Xhengo do ta kundërshtojë në rrugë ligjore vendimin për pezullimin e licencës së tij nga Komiteti Disiplinor i Dhomës së Avokatisë së Shqipërisë (DHKA).
Në një reagim për “E Vërteta.al”, Xhengo deklaron se sapo të dalë dispozitivi i vendimit, do të kërkojë sigurimin e padisë dhe shfuqizimin e aktit të DHKA-së.
“Me të dalë dispozitivi, kërkoj sigurim padie dhe shfuqizim të aktit DHKA”, shprehet avokati.
Kërkesa për sigurimin e padisë synon marrjen e një mase gjyqësore të përkohshme për mbrojtjen e të drejtave të pretenduara, ndërsa kërkesa për shfuqizimin e aktit do të synojë kundërshtimin e vetë vendimit të organit disiplinor.
