Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Kryeministri Edi Rama, ka rikthyer batutën 7×7=42, që mban vulën e Lulzim Bashës.
Në një takim me pensionistët në Korçë, Rama ka thënë se pensionistët që votojnë PS-në, nuk janë komunistë siç thuhet por janë analistët më të mirë të politikës
“Kemi një moment historik ku rrethanat janë përgatitur, yjet janë bërë bashkë që ne ta ngremë flamurin tonë në Bruksel. Futemi në një familje, ku çdo anëtar i familjes nuk lëviz dot shumë. Popujt e kësaj familjeje kanë disa garanci që nuk i ka asnjë popull tjetër. Sot jemi me hijen e Sudes. Vetëm përqendrohuni dhe mendoheni, ka njerëz që mendojnë se pensionistët votojnë PS se janë komunistë. Nuk është kështu. Ata votojnë PS se janë analistët më të mirë të politikës. Ata e dinë shumë mirë se çfarë është puna, si krijohet e mira me punë dhe sa e vështirë është. Nuk jeni të shkollës ku aritmetika “7*7=42”. Kur t’ju dalë në TV mos harroni që ju flet Sudja me zë dhe fytyrë të ndryshme”, ka thënë Rama.
