Deputetja e Partisë Socialiste, Elisa Spiropali, ka dhënë një prononcim për mediat teksa hyri në ambientet e Kuvendit, në një kohë kur jashtë godinës po zhvillohej një protestë e shoqëruar me tensione.
Spiropali bëri thirrje për reflektim nga të gjitha forcat politike, duke theksuar se fokusi duhet të jetë te shqetësimet e qytetarëve dhe gjetja e zgjidhjeve konkrete.
“Duhet të reflektojmë, të dëgjojmë dhe të ofrojmë zgjidhje. Nuk duhet të merremi me protestuesit, por duhet të merremi me veten. Kuvendi të përdoret për të folur për njerëzit, për shqetësimet e tyre dhe për të ofruar zgjidhje. Secila forcë politike dhe secili kah duhet të bëjë analizën e vetes”, u shpreh Spiropali.
