Etleva Skonja

Kreu i PD-së Sali Berisha, i nis dhe i përfundon konferencat me mediat apo çdo dalje të tij publike me sulm dhe akuza ndaj kreut të SPAK-ut, Altin Dumani.

Berisha ka lëshuar akuza të forta, duke hedhur dyshime se Dumani po punon për hesap të Qeverisë dhe është i lidhur me krimin. Nuk kanë mungur edhe etiketimet e kreut të PD-së, i cili vijon t’i referohut kreut të SPAK-ut, si “Altin Troplini”.

Si nisën përplasjet

Sulmet e Berishës ndaj Dumanit nisën me ton të ashpër politik. Sulmet  janë intensifikuar pas nisjes së hetimeve nga SPAK ndaj tij dhe familjarëve të tij për çështje korrupsioni dhe pastrim parash. Ai e akuzoi kreun e SPAK se është një “vegël e regjimit” dhe e ka etiketuar SPAK-un si “instrument politik të qeverisë”, duke pretenduar se institucionet e drejtësisë janë të kapura nga ekzekutivi. Në disa raste, Berisha përdori edhe nofkën ironike “Altin Troplini” për Dumanin, duke e shoqëruar me akuza për ndjekje politike dhe presion ndaj opozitës.

Berisha theksoi gjithashtu se hetimet ndaj tij dhe familjes nuk janë të ligjshme, por të motivuara politikisht, dhe se SPAK nuk po vepron mbi baza ligjore, por sipas urdhrave të qeverisë. Ai ka cilësuar institucionin si “mburojë e Ramës” dhe ka deklaruar se përpjekjet për të heshtur opozitën përmes SPAK-ut do të dështojnë.

Reagimet e Altin Dumanit

Ndërsa sulmet janë të vazhdueshme, Altin Dumani ka mbajtur një qëndrim të qetë dhe institucional. Ai ka deklaruar në disa raste se nuk shqetësohet nga sulmet politike dhe se fokusi i tij është tek ligji dhe rezultatet e institucionit që ai drejton.

Në një intervistë televizive, Dumani u shpreh: “Jam i ftohtë ndaj deklaratave politike dhe fokusi ynë është tek puna e SPAK-ut dhe rezultatet ligjore. Rezultatet tona flasin vetë.”

Ai ka theksuar se SPAK ka ndërmarrë aksione të rëndësishme kundër korrupsionit dhe krimit të organizuar, duke sekuestruar asete me vlerë mbi 150 milionë euro, dhe kjo tregon efektivitetin e institucioneve pa ndikime politike.

Kur u pyet mbi hetimet ndaj Berishës, Dumani theksoi: “Nuk kam tagër të komentoj vendimet e gjykatës; detyra jonë është të zbatojmë ligjin dhe ta respektojmë pavarësinë e sistemit gjyqësor.”

Konteksti politik dhe motivet e sulmeve

Tonet agresive të Berishës lidhen me disa faktorë.

E p ara lidhet me hetimet që SPAK ka nisur ndaj tij dhe personave të lidhur me të, gjë që ka shtuar tensionet.

E dyta, rritja e rolit të SPAK-ut në luftën kundër korrupsionit dhe krimit të organizuar shihet nga opozita si një instrument i njëanshëm politikisht.

Strategjia e Berishës synon të portretizojë SPAK-un si të kapur nga ekzekutivi, duke e paraqitur si pengesë për opozitën dhe mburojë të pushtetit.

Nga ana tjetër, qëndrimi i Dumani tregon një strategji të kundërt, që nis me ruajtjen e autoritetit institucional dhe legjitimimit të SPAK-ut si organ i pavarur.

Për të vijuar më tej me fokusimin tek ligji dhe rezultatet, larg retorikës politike dhe presioneve publike si dhe me përforcimin e imazhit të SPAK-ut si institucion që godet korrupsionin dhe krimin e organizuar, pa dallime politike.

Pasojat dhe zhvillimet e ardhshme

Hetimet e SPAK ndaj figurave të larta politike do të vijojnë të prodhojnë debate dhe tensione. Ndërkohë, opozita e drejtuar nga Berisha do të vazhdojë të përdorë sulmet ndaj SPAK-ut si mjet politik për të forcuar narrativën e saj kundër qeverisë.

Ky përplasje tregon njëra nga sfidat kryesore të demokracisë shqiptare, që është balancimi midis institucioneve të pavarura dhe presioneve politike, si dhe mënyra se si figura publike reagon ndaj hetimeve që prekin interesat e tyre politike.