Nga Gentian Dervishi
Po sikur vetgjyqësia t’ia hipë ligjit për ca kohë… por për ca kohë amaaaaaa eeeeeeee.
Shteti modern bazohet në parimin se vetëm ai ka të drejtën legjitime të ushtrojë forcë dhe të japë drejtësi. Por ama ekziston një parim juridik që thotë se në kushte ekstreme si kolapsi total, njerëzit veprojnë për mbijetesë. Pra, ti mund të mbrohesh duke thënë se “nuk kishte shtet”, por nuk mund të thuash “veprova ligjërisht sepse ndoqa Kanunin”.
Sociologjia e së drejtës e njeh atë që quhet pluralizëm ligjor. Kur shteti dështon, Kanuni hyn në lojë si një “kontratë sociale” emergjente. Njerëzit i binden sepse është i vetmi sistem që ofron parashikueshmëri në kaos, por ky është legjitimitet social.
Në vitet ’90, gjykatat shqiptare shpesh përballeshin me raste ku palët kishin bërë “pajtim” sipas Kanunit. Jurisprudenca e sheh përdorimin e Kanunit në vakuum juridik si një pasojë të dështimit të shtetit, por jo si burim të së drejtës.
Por deri atëherë ka kohë boll për shqiptarët…
