Endri Meksi është paraqitur këtë të hënë në SPAK.
Meksi ka bërë më herët denoncime publike në televizionin MCN TV, ku ka përmendur me emra biznesmenë dhe zyrtarë që sipas tij janë të përfshirë në skandalin e AKSH-it.
Kujtojmë se pak kohë më parë ndaj biznesmenit është raportuar edhe një tentativë dhune, ndërsa biznesit të tij në zonën e Xhamlliku në Tiranë i është vendosur lëndë plasëse tritol.
Ende nuk dihen detaje mbi arsyen e paraqitjes së tij në SPAK, ndërsa pritet që organi i akuzës të japë informacion zyrtar lidhur me çështjen.
