Këshilli i Lartë Prokurorisë, ka publikuar emrat e kandidatëve-prokuror që plotësojnë kushtet për të qenë pjesë e Këshillit të Emërimeve në Drejtësi.
I plotësojnë kushtet ligjore, prokurorët e Prokurorisë së Përgjithshme, përfshirë këtu kryeprokurorin Olsian Çela dhe prokurorët e Prokurorisë së Apelit, të juridiksionit të përgjithshëm.
Gjithashtu KLP ka publikuar edhe emrat e kandidatëve që nuk mund të jenë pjesë e KLP, me arsyetimet përkatëse.
Kandidatët që mund të bëhen pjesë e KED-së
Këshilli i Lartë i Prokurorisë, në zbatim të nenit 221, pika 4, të Ligjit Nr. 115/2016 “Për organet e qeverisjes së sistemit të drejtësisë”, i ndryshuar, publikon si më poshtë, listën e kandidatëve të cilët plotësojnë kushtet dhe kriteret ligjore për t’u përfshirë në shortin për zgjedhjen e anëtarëve të Këshillit të Emërimeve në Drejtësi.
Prokuroria e Përgjithshme:
1. Alfred Mahmut Progonati
2. Alma Selim Muça
3. Anila Suat Leka
4. Arqilea Petro Koça
5. Bujar Ramiz Sheshi
6. Hysen Myslym Keta
7. Isa Riza Jata
8. Kostaq Dhimitër Beluri
9. Olsian Daut Çela
10. Thoma Misto Jano
Prokuroria e Apelit të Juridiksionit të Përgjithshëm:
11. Afërdita Ndue Ndoi
12. Altin Mitat Binaj
13. Arben Sabri Qosja
14. Arta Ndrec Marku
15. Etien Pellumb Kapo
16. Genti Bashkim Xholi
17. Gjon Pellaz Fusha
18. Irma Nastas Balli
19. Kleanth Luftar Zeka
Kandidatët që përjashtohen nga shorti për KED-në
Prokurorët që nuk plotësojnë kushtin e vendosur, sipas nenit 221, pika 1, germa “b”, të Ligjit Nr. 115/2016 “Për organet e qeverisjessë sistemit të drejtësisë”, i ndryshuar dhe Ligjit Nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, të cilët janë aktualisht të pezulluar nga ushtrimi i detyrës, nuk mund të jenë pjesë e kësaj liste.
Për këtë shkak, nuk ndodhen në listë prokurorët si më poshtë:
1. Erion Çela
2. Kudusi Shahu
Prokurorët që nuk ushtrojnë detyrën në prokuroritë përkatëse, për shkak të ushtrimit të funksionit si anëtar të Këshillit të Lartë të Prokurorisë.
1. Ledina Riza
2. Moisi Duda
3. Sokol Stojani
Prokurorët që nuk ushtrojnë detyrën në prokuroritë përkatëse, për shkak të ushtrimit të funksionit të përkohshëm (komandim në EUROJUST).
1. Fatjona Memçaj
Prokurorët që nuk plotësojnë kushtet ligjore, të parashikuar në nenin 221, pika 1, germa “dh”, të Ligjit Nr. 115/2016 “Për organet e qeverisjes së sistemit të drejtësisë”, i ndryshuar.
1. Kasem Berberi
2. Lazër Çardaku
