Drejtori i Përgjithshëm i Policisë së Shtetit, Skënder Hita, ka nisur një valë ndryshimesh në strukturat drejtuese të policisë.
Burime bëjnë me dije se Hita ka larguar nga detyra drejtorin e Operacionales, Melsi Koçi. Ky sektor konsiderohet një nga më të rëndësishmit në strukturën e Policisë së Shtetit.
Në krye të Operacionales pritet të emërohet Alban Dautaj, i cili aktualisht mban postin e drejtorit të Antiterrorit.
Paralelisht, drejtori i përgjithshëm ka firmosur edhe urdhra për ndryshime të tjera në strukturë, që përfshijnë nëndrejtorë qarqesh dhe shefa komisariatesh. Sipas burimeve, këto lëvizje pritet të bëhen publike në mënyrë të detajuar gjatë ditës së nesërme dhe në vijim.
