Prokuroria e Posaçme Kundër Korrupsionit dhe Krimit të Organizuar (SPAK) ka ushtruar kontrolle në ambientet e Bashkisë së Tiranës.
Mësohet se hetues të Byrosë Kombëtare të Hetimit (BKH), me urdhër të SPAK-ut, ndodhen prej disa orësh në godinën e bashkisë, ku po zhvillojnë kontrolle dhe po sekuestrojnë dokumentacion.
Deri në këto momente, nuk është bërë e ditur çështja konkrete që është objekt i veprimeve hetimore, ndërsa ende nuk ka një reagim zyrtar nga SPAK.
Ndërkohë, hetuesit e BKH-së vijojnë punën në ambientet e institucionit.
