Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Pas bllokimit të qarkullimit te sheshi “Wilson”, polica ka tentuar që të shpërndajë protestuesit.
Por protestuesit, të udhëhequr nga Ina Zhupa dhe Erisa Xhixho, janë kundërpërgjigjur, duke u përplasur me policët.
“Ju ishit dëshmitarë si po rrinim në mënyrë paqësore në mes të sheshit dhe në një moment u shtymë në mënyrë të dhunshme, të papranueshme. Këtë tokë nuk e ka Rama, por është e shqiptarëve dhe kur vendosin shqiptarët të protestojë e vendosin shqiptarët. Dhe të mos japin urdhra politikë për të dhunuar gratë, vajzat e të moshuarit. Këta duhet të mbajnë përgjegjësi të gjithë. Ky mesazh jepet që çdo shqiptar që ushtron të drejtën e protestës, dhunohet”, tha Erisa Xhixho.
Ndërkohë mes deputetit Luan Baçi dhe efektivëve ka pasur një moment tensioni dhe shtyrje fizike.
Deputeti i Fierit pretendon se e goditën me grusht në bark.
“Këta nuk janë policë, por mercenarë! Na goditën me gushte në bark”, tha Baçi.
Sakaq, protestuesit nuk i janë përgjigjur policisë për t’u shpërndarë dhe për të liruar qarkullimin.
