Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Ambasada e Shteteve të Bashkuara në Tiranë ka shpërndarë një njoftim të rëndësishëm mbi politikën e vizave, duke theksuar se prioritet mbetet mbrojtja e sigurisë kombëtare të Amerikës, krahas mirëpritjes së udhëtarëve të ligjshëm që kërkojnë të vizitojnë SHBA-në.
Në deklaratë theksohet se procesi i vizave mbështetet mbi standarde të larta kontrolli, të cilat përshtaten vazhdimisht me kërcënimet e reja potenciale.
“Ne po mbrojmë Amerikën dhe mirëpresim udhëtarët e ligjshëm,” shkruan ambasada, duke theksuar se aplikimet për vizë trajtohen në përputhje me ligjin dhe rregullat ndërkombëtare, në bashkëpunim të ngushtë me disa agjenci qeveritare amerikane.
