Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Një ditë pas protestës së zhvilluar në Tiranë, deputeti i Flamur Noka ka reaguar në rrjetet sociale me një postim të ashpër, ku ka sulmuar drejtuesin e njësisë “Shqiponjat” të Policia e Shtetit.
Në reagimin e tij, Noka shkruan: “Mbajini mend këta armiq të popullit opozitar! Do të japin llogari për aktet e tyre”, duke iu referuar shefit të “Shqiponjave”, Enid Pasho.
Ai e akuzon Pashon si “organizator dhe koordinator të shpërndarjes së drogës në gjimnazet e Fierit”, si dhe e lidh me veprimtari të paligjshme, pa paraqitur prova në postimin e tij publik.
Ky reagim vjen në vazhdën e tensioneve politike pas protestës së opozitës, ndërsa deri tani nuk ka një reagim zyrtar nga Policia e Shtetit apo nga vetë zyrtari i përmendur në deklaratë.
