Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Drejtoresha e organizatës Open Data Albania, Aranita Brahaj, ka reaguar në rrjetet sociale lidhur me debatin për ligjin nr. 21/2024 për ndryshimet në ligjin për zonat e mbrojtura, duke ngritur pikëpyetje mbi interesat që, sipas saj, qëndrojnë pas këtij akti.
Në postimin e saj, Brahaj pyet se sa kapital i ardhur nga narkotrafiku është investuar në ato që ajo i quan “trojet e ligjit 21/2024”, ndërsa shprehet se një shfuqizim i mundshëm i këtij ligji nga Kuvendi mund të sillte pasoja politike për qeverinë.
Ajo komentoi gjithashtu largimin e deputetes së Shkodrës, Marjana Koçeku, nga grupi parlamentar i Partisë Socialiste, duke e cilësuar si të parën që “del nga rreshti”, ndërsa ngriti pyetjen se sa deputetë të tjerë mund të shkëputen nga grupi parlamentar i mazhorancës.
Sipas Brahajt, protestat qytetare duhet të fokusohen me forcë te kërkesa për shfuqizimin e ligjit për zonat e mbrojtura.
“Marjana Koceku është e para që ‘del nga rreshti’, por jo e fundit. Sa deputetë do dalin nga grupi ‘deputet në xhep’? Prandaj protesta duhet të kërkojë fort e më fort shfuqizimin e ligjit”, shkruan Brahaj në reagimin e saj në rrjetet sociale.
