Pas zjarrit të madh që përfshiu një pallat në Tirana, Inspektorati i Përgjithshëm ka reaguar duke njoftuar ngritjen e një grupi të posaçëm pune për verifikimin e shkaqeve të incidentit.

Sipas njoftimit zyrtar, grupi i inspektimit është ngritur menjëherë dhe do të kryejë verifikime në terren për të përcaktuar rrethanat që çuan në zjarrin që shkaktoi dëme të konsiderueshme materiale.

Inspektimi do të realizohet nga trupat e Inspektorati Shtetëror Teknik dhe Industrial dhe Inspektorati Kombëtar i Mbrojtjes së Territorit, të cilët do të bashkëpunojnë për zbardhjen e plotë të ngjarjes.

Autoritetet pritet të analizojnë kushtet teknike dhe sigurinë e objektit, ndërsa hetimet synojnë të përcaktojnë nëse ka pasur shkelje apo mangësi që mund të kenë ndikuar në shpërthimin e zjarrit.

Institucionet theksojnë se puna e grupit do të vijojë deri në sqarimin e plotë të rrethanave të incidentit.