Mbështet E Vërteta.al . Nëse mendoni se gazetaria duhet të jetë e lirë, e verifikuar dhe pranë qytetarit, na ndihmoni të vazhdojmë. IBAN – Credins Bank AL50212110090000000002316105 SWIFT/BIC: CDISALTR
Ilir Meta nuk ka arritur të ndryshojë masën e sigurisë “arrest me burg”, pasi Gjykata e Posaçme kundër Korrupsionit dhe Krimit të Organizuar ka rrëzuar kërkesën e tij për lehtësim të masës.
Meta kishte ofruar një garanci pasurore prej 50 mijë eurosh, me qëllim zëvendësimin e masës aktuale të sigurisë, por gjykata vendosi të mos e pranojë kërkesën, duke lënë në fuqi masën “arrest me burg”.
Ish-presidenti është paraqitur këtë të hënë në ambientet e reja të GJKKO-së, ku është zhvilluar seanca e dytë në themel ndaj tij.
Gjatë qëndrimit në gjykatë, Meta ka shmangur çdo kontakt me ish-bashkëshorten e tij, Monika Kryemadhi, e cila ishte gjithashtu e pranishme në ambientet e gjykatës.
Në një seancë të zhvilluar pak minuta para nisjes së shqyrtimit në themel, trupi gjykues vendosi rrëzimin e kërkesës së Metës për ndryshimin e masës së sigurisë, duke lënë në fuqi vendimin ekzistues të “arrestit me burg”.
Seanca ndaj Metës pritet të vijojë në ditët në vijim, ndërsa çështja mbetet nën shqyrtim nga GJKKO.
